Bizarra Lepoan Getxoko euskara elkartea gara. 1995. urtean sortu ginen euskara eta euskal kultura sustatzeko herrian eta ordutik 26 urte daramagu lanean.
Urte horiek denak oso emankorrak izan dira eta horitk eratorri dira zenbait proiektu:
– Bapiruke egitasmoa umeen aisialdia euskaraz egiteko.
– Toponimia ibilbideak, Getxoko ondarea ezagutzeko.
– Euskaraldia, Getxoko Euskalgintza, Getxoko Udala eta Euskaltzaleen Topagunearekin elkarlanean.
– Gehitu Kirola eta Gehitu Kultura hitzarmenak Getxoko Udalarekin elkarlanean.
– Bizkaiera ikastaroa, Lauaxeta euskategiarekin elkarlanean.
– Eskola barruko jostaldiak euskaraz.
Eta askoz gehiago dugu eskaintzeko zure laguntzarekin batera. Zurekin Getxo euskaldunago egingo dugu!